Հիմնադրամի և կենտրոնի համագործակցությունը, որն սկսվել էր դեռևս 2010 թվականին` 6-րդ փառատոնի շրջանակներում, հաջողությամբ շարունակվում է` ծնունդ տալով մեկ այլ` նոր համագործակցության` պրոֆեսոր Ռ. Յոլյանի անվան արյունաբանական կենտրոնի հետ, որտեղ էլ պրոֆեսորներ Մասչանն ու Կարաչունսկին բժշկական խորհրդատվություններ անցկացրեցին, դասախոսություններ կարդացին, քննարկեցին երկու կենտրոնների միջև հետագա համագործակցության հնարավոր ուղիներ Մոսկվայում և Երևանում:

Հուսով ենք, որ հաջողված սկիզբը հիմք կծառայի նաև հետագա բեղուն համագործակցության համար, և երկու կենտրոնների արդյունավետ աշխատանքի շնորհիվ հնարավոր կդառնա կրճատել արյան ու ուռուցքային հիվանդություններով տառապող երեխաների մահացության թիվը Հայաստանում: